Mənzil bazarı ilə bağlı göstəricilər funtun məzənnəsinə mənfi təsir göstərir 01.09.2011 12:22

Asiya ticarət sesiyası ərzində GBP/USD məzənnəsi horizontal diapazon üzrə dalğalanmağa davam edir, lakin eniş istiqamətində təzyiqlər qorunmaqdadır. Britaniyada avqsut ayı üzrə mənzil qiymətlərinin iyul ayı ilə müqayisədə 0.6%, illik göstəricilər üzrə isə 0.4% enişlə dərc edilməsi funtun məzənnəsinə mənfi təsir göstərmişdir. Qeyd edək ki, iqtisadçıların böyük əksəriyyəti bu göstəricinin daha müsbət yayımlanacağını proqnozlaşdırırdı. Dilerlər qeyd edirlər ki, GBP/USD məzənnəsinin hazırkı səviyyəsində satıcılar o qədər də aktiv deyillər. Satış sərəncamlarının böyük əksəriyyəti 1.6260 səviyyəsi ətrafında cəmləşmişdir. Dəstək həddi isə 1.6200 səviyyəsindədir.