Funtda satış maraqları arta bilər 07.09.2011 12:02

Bu gün ticarət sesiyası ərzində GBP/USD məzənnəsi itkilərinin bir qismini bərpa etməyə nail olmuşdur. Lakin Asiya ticarət sesiyası ərzində valyuta cütünə qarşı satış maraqları kifayət qədər artmışdır və hazırda qiymətlər 1.5990 səviyyəsi ətrafında dalğalanır. Analitiklərin böyük əksəriyyəti bu gün funtda satışların artacağını proqnozlaşdırırlar. Dilerlərin fikrincə satış maraqları daha çox 1.6025/30 və 1.6050 səviyyələri ətrafında cəmləşmişdir. Alış sərəncamlarının isə 1.5960 səviyyəsi ətrafında cəmləşdiyi qeyd olunur. Bu səviyyənin kəsilməsi qiymətlərin 1.5930/20 səviyyəsinədək enişinə şərait yarada bilər.