Wells Fargo avronun məzənnə perspektivlərini qeyri-müəyyən dəyərləndirir 14.02.2012 11:16

Avroya qarşı təzyiqlər yüksək həddədir və EURUSD məzənnəsi sesiyanın minimum səviyyələri ətrafında dalğalanır. Valyuta cütünə qarşı təzyiqlərin artmasının başlıca səbəbi Yunanıstandakı son durumla əlaqədardır. Belə ki, ölkə müxalifətinin liderləri aprel ayındakı seçkilərdən sonra ölkəyə maliyyə dəstəyinin şərtlərinə yenidən baxmaq niyyətindədirlər. Qeyd edək ki, bu seçkilərdə müxalifətin qələbə çalacağı ehtimalı yüksəkdir. Wells Fargo Bank analitiklərinin fikrincə Avropa Birliyi tərəfindən Yunanıstanla bağlı qəbul ediləcək son qərarlar avronun məzənnə artımına şərait yaratmaya da bilər. Qeyd edək ki, hazırda EURUSD məzənnəsi 1.3213 səviyyəsi ətrafında dalğalanır.