Maliyyə bazarları yeni həftəyə Yunanıstanın maliyyə yardımının ikinci tranşını ala biləcəyi ilə bağlı yeni ümidlərlə başladı. Bazar günü bu məsələ ilə əlaqədar danışıqların konstruktiv məcraya yönəldiyi ilə bağlı xəbərlər avronun ticarət sesiyasına artımla başlamasına səbəb olmuş və riskli aktivlərə qarşı marağı da artırmışdır. Qeyd edək ki, bu gün Avrozona maliyyə nazirlərinin Brüsseldə keçirilən toplantısında rısmi Afinanın taleyi həll olunacaqdır. Müsbət ehtimalların təsiri ilə EURUSD məzənnəsi 1.3224 səviyyəsinədək yüksəlmişdir.
