Qısamüddətli perspektivdə ABŞ dollarında artım ehtimallarını yüksək dəyərləndirən Commonwealth Bank of Australia mütəxəssisləri dolların 2 illik perspektivlərini mənfi qiymətləndirirlər. Mütəxəssislər bunun səbəbini 2 amillə əsaslandırırlar. Birincisi, FRS tərəfindən yumşaq pul-kredit siyasətinin 2013-cü ilin ortalarınadək davam etdiriləcyi gözlənildiyi halda qurum bu müddəti 2014-cü ilin sonunadək uzatmışdır. İkinci amil isə, Avrozonanın getdikcə böhrandan xilas olması ilə əlaqədar olaraq ABŞ və Böyük Səkkizliyə daxil olan digər ölkələrin borc sənədlərində kəskin gəlirlilik fərqinin tədricən azalmasıdır. Beləliklə, Commonwealth Bank of Australia mütəxəssisləri 2012-ci ilin sonunadək AUDUSD məzənnəsi üzrə proqnozlarını 1.00 səviyyəsindən 1.09 səviyyəsinə, USDCAD cütü üzrə 1.05 səviyyəsindən 0.97 səviyyəsinə, EURUSD cütü üzrə 1.30 səviyyəsindən 1.35 səviyyəsinə, GBPUSD cütü üzrə 1.50 səviyyəsindən 1.62 səviyyəsinə, USDJPY cütü üzrə isə 75 səviyyəsindən 77 səviyyəsinə yüksəltmişlər.
