Dünən ABŞ-da pərakəndə ticarət həcmi ilə bağlı zəif göstəricilərin dərci fonunda neft qiymətlərində zəif artım yaranmışdır. Nyu-Yorkda NYMEX ticarət sesiyasının nəticələrinə əsasən neft qiymətləri 0.17 dollar artımla hər barrelə görə 100.74 dollar səviyyəsinə yüksəlmişdir. "Neft məhsullarına tələbat 12 illik minimum səviyyəsindədir. Satışlar gözlənildiyindən daha zəif templə artır. Neft ehtiyatları artır, tələbat isə çox zəifdir" - IAF Advisors rəhbəri kayl Kuper bildirir. Londonda Brent markalı neftin də qiyməti 0.71 dollar artımla hər barrelə görə 116.94 dollar səviyyəsinə yüksəlmişdir.
