İranla bağlı gərginliklər neft qiymətlərinə müsbət təsir göstərir 14.02.2012 11:16

İrandan neft idxalının tamamilə dayandırılacağı ilə bağlı artmaqda olan ehtimalların fonunda WTI markalı neftin qiyməti bahalaşmışdır. Neft qiymətlərindəki artıma müsbət təsir edən faktorlardan biri də Afinadakı etirazlara baxmayaraq bazar günü Yunanıstan Parlamentinin sərt iqtisadi tədbirlər paketini qəbul etməsidir. Əksər analitiklərin fikrincə hazırda neft qiymətlərini dəstəkləyən başlıca faktor İrandır. Nyu-Yorkda WTI markalı neftin qiyməti 100 dollar psixoloji baryerini aşaraq hər barrelə görə 100.28 dollar səviyyəsinə yüksəlmişdir. Londonda Brent markalı neftin qiyməti isə 1.06 dollar artımla hər barrelə görə 118.37 dollar səviyyəsinə yüksəlmişdir.