BRC məlumatlarına əsasən dekabr ayında Britaniyada pərakəndə satış qiymətlərindəki artım noyabr ayındakı illik 2.0% səviyyəsi ilə müqayisədə 1.7% təşkil etmişdir. Qida məhsulları üzrə inflyasiya səviyyəsi isə noyabr ayındakı 4.0% səviyyəsi ilə müqayisədə dekabr ayında illik 4.2% səviyyəsinədək artmışdır. Ölkədə vergi dərəcələrinin artırılmasına baxmayaraq pərakəndə satış sferasında inflyasiya səviyyəsi 1.7% səviyyəsində 16 aylıq minimum həddinə enmişdir. Bunun başlıca səbəbi elektrotexnika və geyim məhsulları qiymətlərindəki enişdir. "Dekabr ayında qeyri-istehsal sektorunda inflyasiya səviyyəsi kifayət qədər aşağı düşmüşdür ki, bunun da başlıca səbəbi qiymətlərdə mövsümi endirimlərin ötən illərlə müqayisədə kifayət qədər yüksək olmasıdır" - Nielsen meneceri Mayk Uorkins bildirir. İstehlakçıların qənaət etmək istəklərini nəzərə alaraq pərakəndə ticarətçilər Milad bayramından sonra da qiymətləri endirmək məcburiyyətində qalmışlar.
