İtaliyanın baş naziri Mario Monti bazar günü RAI telekanalına müsahibəsində yeni iqtisadi islahatların keçirilməyəcəyini bəyan etmişdir. Baş nazirin fikrincə artıq qəbul edilmiş tədbirlər ölkə iqtisadiyyatında artım tempini bərpa etmək üçün kifayətdir. Qeyd edək ki, İtaliya 2013-cü ilədək balanslaşdırılmış büdcə siyasətinə və ÜDM həcmində 5% artım tempinə nail olmalıdır. Montinin fikrincə bu göstərici bütövlükdə Avrozona üzrə ən yüksək göstəricidir. O, bildirmişdir ki, çərşənbə günü Almaniya kansleri A.Merkellə görüşəcəkdir və bu görüşdə onu İtaliya iqtisadiyyatında artım dinamikasına nail olmaq üçün lazımi tədbirlər paketinin qəbul edildiyinə inandırmağa çalışacaqdır. Baş nazirin fikrincə İtaliyanın bank sektorunda da durum dayanıqlıdır. O, etiraf etmişdir ki, kapital həcminə qarşı tələblərin artırılması bir sıra bankların mövqeyinə mənfit təsir etmişdir. Lakin bütövlükdə bank sektorunda durum qənaətbəxşdir. Montinin fikrincə avro iqtisadi böhrandan deyil, daha çox dalğalanma səviyyəsinin yüksək olmasından əziyyət çəkir.
