Yaponiya üzrə iqtisadi inkişaf proqnozlarının aşağı salınmasına baxmayaraq Mərkəzi Bank ardıcıl olaraq üçüncü ay monetar siyasəti dəyişməz olaraq saxlamışdır. Qurumun bütün nümayəndələri faiz dərəcələrinin 0.0%-0.1% səviyyələrində qorunmasını yekdilliklə dəstəkləmişlər. "Dünya iqtisadiyyatındakı tənəzzül və yenanın məzənnə artımı ilə əlaqədar olaraq Yaponiyada da iqtisadi aktivlik səviyyəsi azalır." - faiz dərəcələri ilə bağlı qərarın dərcindən sonra bankın rəsmi açıqlamasında qeyd edilir. Qeyd edək ki, Mərkəzi Bank Yaponiyada ÜDM artımı ilə bağlı proqnozlarını -0.4% səviyyəsinədək azaltmışdır. 2013 -cü ildə ölkədə istehlak qiymətləri indeksinin dəyişməz olaraq +0.5% səviyyəsində qorunacağı proqnozlaşdırılır. Bu isə deflyasiya səviyyəsinin 2014-cü ildə də qorunacağını göstərir. Beləliklə, Yaponiya Mərkəzi Bankı hələ bir neçə il həyata keçirdiyi monetar siyasətini yumuşaq həddə saxlaya bilər.
