Son dövrlər amerikalıların böyük əksəriyyəti qismən məşğulluqdan tam günlük işə üstünlük verməyə başlamışlar. Bunun başlıca səbəbi əmək bazarında durumun müsbət istiqamətə doğru dəyişməsi ilə əlaqədar olaraq istehlak inamının və xərclərin artmasıdır. ABŞ Əmək Nazirliyinin yayımladığı məlumata əsasən dekabr ayında tam günlük işdə çalışanların sayı 113.8 mln. nəfərədək artmışdır. Qismən işlə təmin olunanların sayı isə 8.1 mln. nəfər təşkil etmişdir ki, bu da 2009-cu ilin yanvar ayından etibarən ən aşağı göstəricidir. Qeyd edək ki, məşğulluq səviyyəsinin artması istehlak xərclərinə də müsbət təsir göstərir.
