Real Capital Analytics Inc. şirkətinin ABŞ-ın əmlak bazarı ilə bağlı yayımladığı hesabatda qeyd edilir ki, 2012-ci ildə ölkədə kommersiya mülkiyyəti satışları 50% artımla 300 mlrd. dollar səviyyəsinədək yüksəlmişdir. Belə ki, kreditlər üzrə borcların çoxluğu aktivlərin satışını stimullaşdırır, ölkə iqtisadiyyatında isə artım meylləri müşahidə edilir. "Kommersiya mülkiyyəti digər aktivlərlə müqayisədə cəlbediciliyini qoruyur və bu səbəbdən bu il bu sahəyə kapital axınlarında yeni dinamika yarana bilər" - şirkətin mütəxəssisləri qeyd edirlər. Hesabatda həmçinin qeyd edilir ki, bu sektorda 2012-ci ildə 50% artım yaranacağı ilə bağlı proqnozlara baxmayaraq real göstəricilər bu səviyyəni də üstələyə bilər. Qeyd edək ki, hazırda ABŞ-da kommersiya mülkiyyəti üzrə 160 mlrd. dollar həcmində problemli kredit var. Bu problemlərin həlli kredit şərtlərinin yüngülləşdirilməsi və ya mülkiyyətin yenidən banka satılması ilə həll edilir. Ölkə iqtisadiyyatındakı artım meyllərini nəzərə alaraq hazırda investorların böyük əksəriyyəti kommersiya mülkiyyətinə sərmayə yatıraraq gələcəkdə qiymət artımından qazanc əldə etmək niyyətindədirlər.
