ABŞ-da ipoteka üzrə faiz dərəcələri yeni rekord minimum səviyyəsinə enmişdir. Freddie Mac şirkətinin məlumatlarına əsasən sn həftə ərzində ölkədə 30 illik ipoteka kreditləri üzrə faiz dərəcəsi 3.88% səviyyəsinədək enmişdir ki, bu da bütün tarix ərzində rekord minimum səviyyədir. 15 illik kreditlər üzrə faiz dərəcəsi ilə 3.16% səviyyəsindən 3.17% səviyyəsinədək yüksəlmişdir. Qeyd edək ki, son dövrlər ABŞ-ın mənzil bazarında müəyyən qədər stabilləşmə müşahidə edilir. "Bu müsbət məqamdır. Faiz dərəcələrinin aşağı olması istehlakçıların maliyyə durumuna müsbət təsir gösərir. Belə ki, onların əlində daha çox vəsait qalmış olur ki, bu da xərcləri artırır. İqtisadi durumun stabilləşdiyi bir vaxtda ipoteka üzrə faiz dərəcələrinin aşağı olması mənzil bazarında satış həcminə müsbət təsir göstərəcəkdir." - Capital Economics Ltd. baş iqtisadçısı Pol Eşvird bildirir.
